Կենսագրություն


Սերյոժա Օհանջանյան

Ծնվել է 1991 թվականի մարտի 1-ին Երևանում:

2007 թվականին ավարտել է Դ. Դեմիրճյանի անվ. N27 միջնակարգ դպրոցը։

2008 թվականին ստեղծված «ԷԽՈ» հաշմանդամություն ունեցող անձանց իրավապաշտպան հասարակական կազմակերպության համահիմնադիրն է։

2010 թվականից զբաղեցնում է «ԷԽՈ» հաշմանդամություն ունեցող անձանց իրավապաշտպան հասարակական կազմակերպության նախագահի պաշտոնը։

2013 թվականին ավարտել է Գերմանիայի Բիլեֆելդի միջդիսցիպլինար հաղորդակցական նորարարական համալսարանը:

2014 թվականից զբաղվում է հաշմանդամություն ունեցող անձանց իրավունքների պաշտպանությամբ։

2014 թվականին ղեկավարել է «Հաշմանդամություն ունեցող անձանց բուհական ոլորտի բարելավումը որպես մասնագիտության խթանման միջոց (Motivation)» հետազոտությունը։

2015 թվականից վերապատրաստումներ է իրականացնում Երևանի և ՀՀ մազերում ներառական կրթություն իրականացնող դպրոցներում և բուհերում` ուղղված ներառական կրթության ընդլայման և իրազեկվածության բարձրացմանը:

2016 թվականից հաշմանդամություն ունեցող անձանց իրավունքների և ներառականության ապահովման մասով փորձագիտական աշխատանք է մատուցում տեղական և միջազգային կազմակերպություններին։

2017 թվականին իրականացված «Հաշմանդամություն ունեցող անձանց քվեարկելու և ընտրվելու իրավունքի մասին» համապարփակ վերլուծության հեղինակն է։

2018 թվականին Երևանի ավագանու ընտրություններում Լույս դաշինքի կողմից առաջադրվել է ավագանու թեկնածու՝ հասարակական նախաձեռնության հիման վրա՝ որպես անկուսակցական թեկնածու։

2018 թվականից հանդիսանում է «Մանկական ուղեղային կաթվածի համաշխարհային նախաձեռնության» ներկայացուցիչ Հայաստանում։

2018 թվականից հանդիսանում է ՀՀ վարչապետի կողմից ստեղծված Հաշմանդամություն ունեցող անձանց հարցերով զբաղվող ազգային հանձնաժողովի անդամ։

2018 թվականից հանդիսանում է «Երեխաներին, տարեցներին և հաշմանդամություն ունեցող անձանց խնամքի ծառայություններ մատուցող ՊՈԱԿ-ների գործունեության մշտադիտարկում իրականացնելու հասարակական դիտորդական խմբի» անդամ:

2019 թվականից «Հայկական առողջապահական ազգային խորհուրդ» կոալիցիայի խորհրդի անդամ։

Մասնագիտությամբ դիզայներ-ծրագրավորող է։

Կուսակցական պատկանելիությունը՝ անկուսակցական։

Ամուսնացած չէ։