ՇՆՈՐՀԱՎՈՐ ԱՄԱՆՈՐ ԵՎ ՍՈՒՐԲ ԾՆՈՒՆԴ

 «ԷԽՈ» իրավապաշտպան հասարակական կազմակերպության ողջ անձնակազմը ի սրտե շնորհավորում է բոլորի Ամանորը և Սուրբ Ծնունդը՝ մաղթելով, որ գալիք 2019 թվականը լինի բարության,  անկեղծության և արժանապատվության հաղթանակի տարի։

Մենք հավատում ենք, որ 2019 թվականը լինելու է մեր բոլորի երազանքների իրականացման տարի, որ ապագային նայող մեր հայացքները 2019 թվականին շառագունելու են արդեն իսկ իրականություն դարձած ձեռքբերումներով և բազում հաջողություններով։

Մաղթում ենք, որ սեփական ուժերի հանդեպ վստահությունն էլ ավելի բազմապատկվի և մեր բարի կամքի դրսևորմամբ լուրջ օրինակ կհանդիսանանք միմյանց համար։

Եվ անկասկած, այս դեպքում յուրաքանչյուր նոր տարի հաստատապես մերը կլինի:

Մենք 2019 թվական ենք մտնում՝ քաջ գիտակցելով, որ խնդիրները բազմազան են ու բազմաթիվ, սակայն,  հավատացած ենք, որ մարդկային փոխօգնության ու սեփական կարողությունների հանդեպ մեծ վստահության շնորհիվ կարելի է լուծել բոլոր խնդիրները:

Անկասկած, 2019 թվականը լինելու է տքնաջան աշխատանքի տարի, նոր ու համառ ջանքերի, կարծրատիպերի և խտրական վերաբերմունքի դեմ հետևողական պայքարի տարի:

2019 թվականը լինելու է նաև հաշմանդամություն ունեցող անձանց հասարակական կյանքի բոլոր բնագավառներում ներառման և իրավահավասարության հետագա ամրապնդման և իրականացման ուղղությամբ նոր քայլերի տարի: Անշուշտ, այն, ինչ այսօր պակաս է, վաղը մեր ջանքերով անկասկած լրացվելու է:

«ԷԽՈ» իրավապաշտպան ՀԿ-ն, շարունակելով իր գործելաոճը, 2019 թվականին  կատարելագործելու է իր ծրագրային համակարգերը, և նոր տարում այն աշխատելու է առավել արդյունավետ՝ ի նպաստ հաշմանդամություն ունեցող անձանց: Փոփոխությունները շարունակվելու են և դրանց արդյունքերն ավելի տեսանելի կլինեն:

Հաշմանդամություն ունեցող անձանց իրավունքների պաշտպանության  բնագավառում մեր կազմակերպությունը որդեգրելու է անկոտրում պայքարի և միաժամանակ խնդիրների լուծման համար խելամիտ առաջարկություններ ներկայացնելու  ուղին, որտեղ գերակա շահ է լինելու յուրաքանչյուր անհատի խախտված իրավունքի վերկանգնումն ու խտրականության վերացումը։

Սիրելի բարեկամ, հավատացած եղիր, որ 2019 թվականը լինելու է քո ապագա հաղթանակների ու ներկա ձեռբերումների ամրապնդման տարի:

ՇՆՈՐՀԱՎՈՐ ԱՄԱՆՈՐ ԵՎ ՍՈՒՐԲ ԾՆՈՒՆԴ:

«ԷԽՈ» իրավապաշտպան հասարակական կազմակերպության աշխատակազմ