Մենք արդեն 11 տարեկան ենք

Մենք հավատացած ենք, որ մարդկության մեծագույն նվաճումներն են մարդասիրությունն ու արդարությունը, որոնց համար մեր պայքարի ճանապարհը եղելէ դժվարություններով ու անհաղթահարելի թվացող խնդիրներով լեցուն:

Խոչընդոտներով, բայց նաև հաջողություններով պատված այս ճանապարհին յուրաքանչյուր օր ապրել ու պայքարել ենք մեր կազմակերպություն դիմած յուրաքանչյուր երեխայի ու մեծահասակի համար, յուրաքանչյուր աջակցի և յուրաքանչյուր աշխատակցի հետ առաջ ենք ընթացել հանուն ընդհանուր նպատակի՝ ձևավորելով ամուր ու ոչնչի առջև չընկրկող մի մեծ ընտանիք:

Գրանցած յուրաքանչյուր հաջողության համար մենք պարտական ենք հենց այդ ընտանիքին, ընտանիք, որը կանգնել է արդարության, հավասար հնարավորությունների հաստատման և արժանապատվության հաղթանակի կողքին:

Մուտք գործելով մեր գործունեության 12-րդ տարելիցը՝ մեր առջև դնում ենք նոր նպատակներ ու անդադար աշխատելու ենք այդ նպատակների իրականացման համար:

Յուրաքանչյուրի և ամեն մեկի արձագանքն է, որ դառնալու է արդարության ձայնը: