Ըստ «ԷԽՈ» ՀԿ կանոնադրության 2.1.3 դրույթի՝ Պաշտպանել հաշմանդամություն ունեցող անձանց շահերը և իրավունքները դատարանում, այլ պետական և ոչ պետական հաստատություններում՝ հաշվի առնելով հաշմանդամություն ունեցող անձանց իրավունքները, որպես մարդու հիմնարար իրավունք և աջակցել դրանց իրականացմանը:
«ԷԽՈ» իրավապաշտպան հասարակական կազմակերպությունը հիմնադրումից ի վեր պարտավորվել է իր ուժերի սահմաններում պաշտպանել հաշմանդամություն ունեցող երեխաների և անձանց շահերն ու իրավունքները, բացի այդ հիմնովին ճանաչում է հաշմանդամություն ունեցող անձանց հիմնական իրավունքներն ու ազատությունները` որպես մարդու հիմնարար իրավունք:
«ԷԽՈ» ՀԿ-ն մշակում և իրականացնում է հաշմանդամություն ունեցող անձանց իրավունքների և շահերի պաշտպանությանը աջակցող ծրագրեր, որոնք հաջողությամբ հասցեագրվում են հաշմանդամություն ունեցող անձանց առաջնահերթ կարիքներին։ Մասնավորապես՝ «Էխո» կազմակերպության իրավական աջակցության թիմի կողմից իրավաբան, իրավախորհդատու-փորձագետ տրամադրվել է հետևյալ ծառայությունները՝
- Իրավաբանական խորհրդատվություն
- Երես-առ-երես իրավախորհդատվություն և ուղղորդումներ
Կազմակերպության շահառու հանդիսացող անձանց, նրանց փաստաթղթերի ուսումնասիրության և կարիքների գնահատման արդյունքում տրամադրվում է խորհրդատվություն և ուղղորդումներ հետևյալ հարցերով՝
- Մասնագիտական կողմնորոշում,
- Աջակցող միջոցների ձեռքբերում,
- Անվճար բուժօգնություն և սպասարկում,
- Հաշմանդամության խմբի սահմանում,
- Երեխայի խնամքը կազմակերպում,
- և այլն:
- Հաշմանդամություն ունեցող անձանց իրավունքների թեժ գիծ
- Շահերի պաշտպանության գործողություններ մասնավորապես՝
- «ԷԽՈ» ՀԿ-ն ներկայացված է Հաշմանդամություն ունեցող անձանց հարցերով զբաղվող Ազգային հանձնաժողովում՝ որպես Հաշմանդամություն ունեցող անձանց կազմակերպություն։ Ազգային հանձնաժողովի նիստերում «ԷԽՈ»-ն ներկայացնում է իրավիճակային խնդիրները՝ դրանց համար համապետական լուծումներ գտնելու նկատառումով։
- «ԷԽՈ»-ի իրավական թիմը, արձագանքելով իրավական ակտերի մշակման, եղած խնդիրների վերհանման, դրանց լուծումներ առաջադրելու կարևոր գործընթացին, ակտիվորեն աշխատում է պետական և ՏԻՄ լիազոր ներակայացուցիչների հետ՝ ակնկալելով եղած խնդիրների շուտափույթ լուծումներ ու պարզաբանումներ։
- Առաջարկություններ է ներկայացնում օրենսդրական դաշտի բարելավման և իրավական ակտերի նախագծերի վերաբերյալ։
- «ԷԽՈ» ՀԿ-ն ներգրավված է մի շարք հասարակական խորհուրդներում՝ Երևանի քաղաքապետին կից, ՀՀ Մարդու իրավունքների պաշտպանին առընթեր և ՀՀ առողջապահության նախարարին կից հասարակական խորհուրդներում։