«Էխո» հաշմանդամություն ունեցող անձանց հասարակական կազմակերպության նախաձեռնությամբ և ՀՀ մշակույթի նախարարության աջակցությամբ Հայաստանում առաջին անգամ ս.թ. մարտի 27-ին Արամ Խաչատրյան համերգասրահում տեղի ունեցավ «Նորաձևություն առանց սահմանների» ներառական նորաձևության փառատոնը, որին մասնակցեցին հաշմանդամություն ունեցող երեխաները և նրանց մայրերը:
Փառատոնը նպատակ ուներ բաձրաձայնելու և հաղթահարելու հասարակության մի ստվար զանգվածի մոտ առկա այն կարծրատիպերը, որ հաշմանդամությունը դատավճիռ է, որ հաշմանդամություն ունեցող երեխաների ծնողները չեն կարող ապրել լիարժեք մշակութային և ժամանցային կյանքով, որ հաշմանդամություն ունեցող երեխաններն ունեն միայն կարեկցանքի ու օգնության կարիք ու չեն կարող ունենալ լիարժեք ու հետաքրքիր կյանք: